Тожикистонлик ота-оналар фарзандлари қайси сайтларга кираётганини интернет провайдерларидан билиб олиши мумкин бўлади

Тожикистон ҳукумати “Ота-оналарнинг фарзандларини ўқитиш ва тарбиялашдаги жавобгарлиги тўғрисида”ги қонунга ўзгартишлар киритиш лойиҳасини тайёрлаб, парламент муҳокамасига киритди. Бу ҳақда маҳаллий матбуот хабар бермоқда.

Ҳукумат вакилларининг маълум қилишича, ўзгартишларга мувофиқ мамлакатда ишлаётган интернет провайдерлари ота-оналарга уларнинг болалари қандай сайтларга кираётгани ҳақида маълумотларни тақдим этмишга мажбур бўлади.

Таъкидланишича, мазкур ўзгартишлар ёшларни террорчи ва экстремистик оқимларга қўшилиб қолишининг олдини олиш мақсадида қабул қилинмоқда.