Air France ходимлари аэропортга келиб қўнган самолёт шассисидан жасад топишди

Франциянинг Air France авиакомпанияси ходимлари самолёт шассисидан жасад топишди, деб хабар беради France-Presse агентлиги.

Айтилишича, тана Сан-Паулу шаҳридан Париждаги Орли аэропортига келиб қўнган Boeing 777 самолётига техник хизмат кўрсатиш чоғида аниқланган.

Аэропорт вакилининг сўзларига қараганда, жасадни Париж суд-тиббиёт институтига юборишган. Иш билан ҳаво-транспорт ўтказмалари жандармерияси шуғулланади.

Таъкидланишича, Европага ноқонуний кириб олмоқчи бўлган одамлар баъзан шундай қалтис жойларга беркиниб, оқибатда ҳалок бўладилар.