Сигал Сербияда Ҳолливуднинг муқобилини яратишни ваъда қилди

Америкалик актёр, сценарист ва режиссёр Стивен Сигал Сербия фуқаролигини олгач, мамлакат ҳудудида Ҳолливуднинг муқобилини яратишга ваъда берди. Бу ҳақда Sputnik нашрига берган интервьюси чоғида маълум қилган.

«Мен бу ерга кўп нарса бера олишим мумкин. Аслида мен Ҳолливудни Сербияга кўчириб келишни истайман. Бу ерда кинематографик ҳамжамият барпо этишни хоҳлайман. Мамлакатда Ҳолливудни ёдга солувчи улкан инфратузилма яратиш ниятидаман», — дея таъкидлаган Сигал.

Унинг қайд этишича, Сербиядаги турли кўринишдаги манзарали ҳудудларнинг кўплиги боис, бу ерда кинематографчилар исталган саҳна кўринишини тасвирга олиши мумкин.

Эслатиб ўтамиз, Сигал 11 январдан бошлаб Сербия фуқароси саналади. У шунингдек мамлакатда айкидо спортини ривожлантиришни ҳам мақсад қилганини айтганди.

Стивен Сигал Сербия фуқаролигини қабул қилди