Россиялик таниқли телебошловчининг қизи лифтнинг остки қисми билан 7 қават баландликдан пастга қулаб ҳалок бўлди

Россия пойтахти Москва шаҳрида таниқли телебошловчи Евгений Кочергиннинг қизи Ирина Володина фожеали тарзда ҳалок бўлди, дея хабар бермоқда «Московский комсомолец».

Трагедия 14 январь куни пойтахтнинг шимолий-ғарбий қисмида жойлашган «Алые паруса» номли кўп қаватли турар-жой биносида содир бўлган. Лифт еттинчи қаватга кўтарилган пайтда унинг пастки қисми тушиб кетган. Натижада қиз пастга қулаши натижасида вафот этган. Дастлабки маълумотларга кўра, қулашга лифтни тутиб турувчи трослардан бирининг узилиб кетиши сабаб бўлган.

Телебошловчининг ўзи ҳам журналистларга қизининг вафот этганини тасдиқлаган. Унинг сўзларига кўра, Ирина мазкур лифтни алмаштириш учун ҳаётининг сўнггига қадар курашган. «Қизим ўзининг ҳаёти қадри билан «Алые паруса» турар-жой биноси лифтининг муаммосини кўрсатиб кетди», - дейди Кочергин.

Марҳумнинг икки нафар вояга етмаган фарзанди етим қолган. Иринанинг кичик фарзанди ва унинг энага бахтли тасодиф туфайли ўлимдан қутулиб қолишган. Улар битта лифтда тепага кўтарилиши керак бўлган, бироқ қандайдир сабабларга кўра аёл бир неча дақиқа илгари лифтга чиққан. Энага ва бола қўшни лифтда тепага кўтарилишаётган бўлган, дея қайд этиб ўтган LifeNews телеканали.