Ўзбек олимлари йигирув машинасининг дискретлаш барабанчасини ихтиро қилишди

Тўқимачилик саноатида фойдаланиладиган янги қурилма яратилди. Қурилма пневмомеханик йигирув машинасининг дискретлаш барабанчаси бўлиб, у Тошкент тўқимачилик ва енгил саноат институти ходимлари томонидан ишлаб чиқилган.

Мазкур модел тўқимачилик саноатида фойдаланиш учун мўлжалланган. Унинг вазифаси дискретизациялаш жараёнида хом ип толаларига дискретизациялаш барабанчаси тишларининг кетма-кет, эҳтиёткор таъсирини таъминлаш, шунингдек, толаларнинг алоҳида гуруҳларга бирлашувини олдини олиб, ип сифатини оширишдан иборат.

"Ушбу қурилма муаллифлари К.Жуманиязов, А.Дж.Джураев, К.Гофуров ва О.Х.Мадрахимовга патент берилди", дейилади Интеллектуал мулк агентлиги хабарида.