Ўзбекистонда мусиқа ва санъат мактабларида тўлов миқдорлари ўзгарди

Ўзбекистон президентининг “Ўзбекистон Республикасининг 2015 йилги асосий макроиқтисодий кўрсаткичлари прогнози ва Давлат бюджети параметрлари тўғрисида” 2014 йил 4 декабрдаги ПҚ-2270-сон қарорининг 35-иловаси билан тасдиқланган “Болаларни болалар мусиқа ва санъат мактабларида ўқитиш учун ота-оналардан олинадиган тўлов Миқдорлари” ўзгартирилди.

Олдин бу миқдор мактабнинг қаерда жойлашганлигига боғлиқ эди. Эндиликда тўлов миқдорлари боланинг қайси йўналишда ўқишига боғлиқ ҳолда тўланади.

Агарда бир оиланинг 2 ва ундан ортиқ фарзанди мусиқа ва санъат мактабларида ўқиса, улардан ҳар бирининг ўқиши учун белгиланган тўловнинг 70 фоизи миқдорида тўлов амалга оширилади. Бу ушбу соҳадаги асосий янгилик бўлди.