Швейцарияда ҳар бир муҳожирдан 1 минг франкдан ортиқ сумма олинади

Швейцария ҳукумати мамлакат ҳудудига келаётган ҳамма муҳожирларга 1 минг франкдан ортиқ миқдордаги маблағ топширишни мажбурий этиб белгилади, дея хабар қилмоқда Le Figaro.

Агар муҳожир етти ой давомида мамлакатни тарк этса, пул унга қайтариб берилади, акс ҳолда маблағ мамлакатдаги қочоқларни таъминлашни молиялаштиришга йўналтирилади.

Шунингдек, мамлакатда қабул қилинган нормаларга мувофиқ, мамлакатда қолиш ҳуқуқини қўлга киритган ҳар бир муҳожир даромадларининг 10 фоизини давлатга топширишга мажбур.