Қозонда инкассатор 4 млн рубль билан йўқолиб қолди

Қозон полицияси 4 млн рубль билан бирга йўқолиб қолган хусусий инкассаторлик хизмати ходимини қидирмоқда, деб хабар бермоқда Татаристон ИИВ матбуот хизматига иқтибос келтирган ҳолда “Интерфакс” ахборот агентлиги.

Таъкидланишича, бу ҳақдаги хабар “Танкодром” полиция бўлимига келиб тушган.

Полицияда маълум қилинишича, ишчи ҳафта сўнгида инкассатор навбатдаги нуқтага тушумни олгани борган ва ичида тахминан 4 млн рубли бўлган сумка билан бирга йўқолиб қолган. Шундан кейин унинг ҳамкасби бу ҳақда ҳуқуқ-тартибот муассасаларига хабар берган.

Аввалроқ Нижний новгородлик инкассатор ўзи ишлайдиган банкдан ўғирлаган 5 млн рублга автомобиль сотиб олгани маълум бўлганди.