Аргентиналик саёҳатчи Бразилиядаги АЁҚШда рафиқасини унутиб қолдирди

Аргентиналик саёҳатчи Бразилияга қилган автосаёҳатдан қайтишда, ёқилғи қуйиш шохобчасида хотинини унутиб қолдирди ва буни тахминан 100 км юргачгина сезиб қолди, деб ёзади The Independent.

Манбанинг тушунтиришича, Уолтер исмли эркак ёқилғи харажатини операторга тўлаб ҳожатхонага чиқиб келишга қарор қилган. Қайтиб келиб дарҳол машинани ҳайдаб кетган ва орқа ўриндиққа хотини Клаудия бор-йўқлигига эътибор бермаган.

Машина ичида шунингдек 14 ёшли ўғли ҳам бўлган, бироқ бола смартфонини ўйнаб ўтирган ва онасининг уйқудан туриб, машинадан тушиб кетганини сезмаган.

Аёл эрига телефон қилишга уринган, бироқ телефон антеннасининг кучсиз экани сабаб унга туша олмаган. Аёл яқин ўртадаги милиция идорасида эрини келишини кутиб ўтирган. Эр орадан икки соат ўтиб етиб келган.

Полиция берган маълумотга кўра, эр келгач, хотини унга қаттиқ эътирозлар билдирган. Бироқ эр хотинидек хафа бўлмагани кўзга ташланган.