Эрон АҚШ томонидан янги санкцияларнинг жорий қилинишини ноқонуний деб баҳолади

Эронга нисбатан АҚШ томонидан янги санкцияларнинг жорий қилиниши на қонуний, на маънавий асосга эгадир. Бу ҳақда Эрон ташқи ишлар вазири Муҳаммад Жавод Зариф баёнот берди.

Унинг таъкидлашича, Вашингтоннинг ўзи Исроилга фаластинликларга қарши ишлатиш учун қурол-яроғ сотиб келмоқда.

Илгарироқ хабар қилинганидек, АҚШ баллистик ракеталарни синовдан ўтказиш дастурини қўллаб-қувватлаган 11 компания ва шахсларга нисбатан санкциялар жорий қилган эди. Бу рўйхатга Эроннинг 6 фуқароси, Хитойнинг 1 фуқароси, шунингдек, БААнинг 2та ва ХХРнинг 1та компанияси киритилди.