Chevrolet компанияси Cruze гибридининг синовларини бошлади

Chevrolet компанияси Cruze машинасининг гибрид модификацисини синовдан ўтказа бошлади. Синов прототипининг дастлабки фотосуратлари Motor 1 нашри томонидан эълон қилинди.

Айтилишича, янги машина Volt гибридининг 1.5 л ли двигатели ёки Malibu седанининг 1.8 л ли 4 цилиндрли мотори билан жиҳозланади. Куч қурилмаси таркибига, шунингдек, электр мотори ва литий-ион батареялари киради.

Гибрид жиҳозланадиган ускуналар рўйхатига орқа кўриниш камераси, Android Auto ва Apple CarPlay иловаларини қўллаб-қувватловчи MyLink мультимедиа комплекси киради. Унинг премьераси баҳорда бўлиб ўтади; гибрид сотувга 2016 йил охирида ёки 2017 йил бошида чиқарилади.