Тошкентлик пироман нотаниш одамнинг машинасини ёқиб юборди

Тошкент шаҳрида Ойбек исмли шахс нотаниш кишининг машинасига ўт қўйишда айбланиб қўлга олинди. Бу ҳақда “Огоҳ” нашри ёзмоқда.
Айтилишича, Охунжон исмли киши қизил рангли “ВАЗ-2103” русумли машинани кечки пайт очиқ қолдириб кетган. Тунги пайт Ойбек буни пайқаб, машинанинг салонида гугурт чақиб юборган, натижада машина ичи ўт олган.

Мазкур ҳолат юзасидан ўтказилган тезкор тадбир натижасида жиноятчи қўлга олинган. Суриштирув давомида у жабрланувчига 18.296 млн сўм зарар етказгани аниқланган.

Тергов давом этмоқда.