Никарагуада автобус иштирокидаги ЙТҲ туфайли 50дан ортиқ киши жабрланди

Марказий Америкада жойлашган Никаругуада йўловчи автобус иштирокида рўй берган йўл транспорт ҳодисаси 5 кишининг ўлимига сабаб бўлди. Шунингдек, 55 киши турли даражадаги тан жароҳатлари олишган. Бу ҳақда El Pueblo Presidente хабар берган.

Қайд этилишича, бу воқеа Матагальпа департаментида юз берган. Дастлабки маълумотларга кўра, автобусда тормоз ишламай қолган ва у жарликка қулаган.

Матагальпа департаменти раҳбари Шадраҳ Зеледоннинг айтишича, воқеа жойига қутқарувчи гуруҳлар ҳамда тиббиёт ходимлари етиб боришган.

Унинг қайд этишича, воқеа жойига 6та тез тиббий ёрдам машинаси жўнаб кетган.

Зеледоннинг қўшимча қилишича, шифохонага 44 киши шифохонага ётқизилган, қолган жабрланувчиларнинг жароҳати жиддий эмас.