Байден АҚШ Сурияда уруш бошлашга тайёрлигини маълум қилди

АҚШ вице-президенти Жо Байден Суриядаги ихтилофни сиёсий йўл билан ҳал қилиб бўлмаса, унда уни ҳарбий йўл билан ҳал қилишга тайёрлигини маълум қилди, деб хабар бермоқда Reuters ахборот агентлиги.

Сурия бўйича музокаралар 25 январда Женевада бошланиши керак, бироқ БМТнинг Сурия бўйича махсус вакили Стаффан де Мистура музокаралар бошқа санага кўчирилиши мумкинлигини айтди.

Аввалроқ Россия президенти Владимир Путин Суриядаги вазиятни фақатгина сиёсий йўл билангина ҳал қилиш мумкинлигини айтганди. Унинг айтишича, шу вазиятдагина “камроқ қурбонлар ва таҳдидлар” бўлади.