LG компанияси жорий йилда иккита флагман смартфонини чиқаради

LG Electronics компанияси 2015 йил ва ўтган чорак учун молиявий кўрсаткичлар бўйича ҳисобот берди. Бир йил ичида компания 59,7 млн та смартфон сотишга муваффақ бўлди, бу кўрсаткич 2014 йилдагидан 600 мингтага кўпроқ бўлган. Йилнинг фақатгина 1-чорагида даромад қайд қилинган, йилнинг охирига келиб компания зиён кўра бошлаган.

LG Electronics’нинг 2015 йил 4-чорагидаги умумий тушуми 48,8 млрд долларни ташкил қилган, бундан компаниянинг мобиль қурилмалар бўлимига 3,26 млрд доллар тўғри келган. Йил натижаларига кўра, компаниянинг операцион даромади 1,03 млрд долларни ташкил қилган. Компания 4-чоракда смартфонлар савдосининг ўзидан 35 млн доллар йўқотган.

Компания 2016 йилда иккита флагман смартфонини (G5 ва V20) ҳамда бир нечта ҳамёнбоп қурилмалар ишлаб чиқаришни режалаштирган.