Обама Трамп ва Маккейнни қиёслаб кўрди

АҚШ президенти Барак Обама ушбу лавозимга номзод Дональд Трамп ўз чиқишлари билан томошабинларда салбий муносабат уйғота бошлаганини таъкидлади, шунингдек, уни 2008 йилда республикачилар томонидан номзоди кўрсатилган Жон Маккейн билан қиёслаб кўрди.

“Жон Маккейн иқлим ўзгаришини инкор қилмаганди, - унинг сўзларини келтиради The Hill нашри. – Жон Маккейн мусулмонларнинг мамлакатга киришини тақиқлашга чақирмаган эди. Биласизки, у консерватор эди, аммо нафақат Республикачилар партияси курси, балки бизнинг сиёсий диалогимиз ичида ҳам турарди”.