Суриядан қайтиб келган жангари Россияда терактлар тайёрланаётганини гапириб берди

Суриядан қайтиб келиши билан Россия ҳудудида қўлга олинган жангарилардан бири тергов билан келишувга бориб, Федерал хавфсизлик хизмати ходимларига ўнлаб шерикларининг номини айтди. “Коммерсантъ” нашрининг келтиришича, улар орасида Россия ҳудудида теракт тайёрлаётганлари ҳам борлиги аниқланган.

“Жайш ал-Муҳожирийн вал-Ансор” ҳаракатининг аъзоси бўлган Исломбек исмли жангари ўз кўрсатмаларида Суриядаги қароргоҳда 1.5 минг россиялик жангарини кўрганини эътироф этмоқда. Унинг ўзи, ишонтириб айтишича, ҳарбий ҳаракатларда иштирок этмаган ва фақат озиқ-овқат маҳсулотлари ташиш билан шуғулланган ва қароргоҳ қоровулида навбатчилик қилган. Навбатчиликлардан бирида у оёғидан яраланган ва даволаниш учун Россияга юборилган. Бу ерда у махсус хизматлар томонидан қўлга олинган.

Номлари фош қилинган махфий агентлар орасида Кабардин-Болқор давлат университети юридик факультети битирувчиси Рашид Евлоев бор. Исломбек Евлоевни жангарилар ичида кўрганини айтмоқда.