Британиялик актёр Жозеф Файнс қўшиқчи Майкл Жексон образини ижро этади

Британиялик актёр, «Shakespeare in love» фильми орқали машҳур бўлган Жозеф Файнсамерикалик қўшиқчи Майкл Жексон образини ижро этади. Бу ҳақда Billboard нашри хабар тарқатди.

Мазкур телевизион картинани суратга олиш билан Sky Arts телеканали шуғулланади.

Сюжетга кўра, Жексон актёрлар Марлон Брандо ва Элизабет Тейлор билан биргаликда 2001 йил 11 сентябрь воқеаларидан кейин Нью-Йоркни тарк этишади. Артистлар машинани ижарага олишади ва йўлга тушишади. Фильм воқеалари 2011 йилда Vanity Fair нашрида чиққан мақола асосига қурилган.

«Сценарийни қўлга олдим. Бу чорлов. Бу комедия. Бу жуда қувноқ, енгил саргузашт бўлади», – дея Файнсдан иқтибос келтиради The Huffington Post.