Трамп навбатдаги теледебатда иштирок этишдан бош тортди

АҚШ президентлиги учун сайловда демократлар партиясидан номзод бўлган Дональд Трамп 28 январь кунига белгиланган Fox News телеканалида ўтказиладиган теледебатда иштирок этмоқчи эмас. Бу ҳақда унинг ўзи Айова штатидаги сафари вақтида маълум қилган.

The Washington Post газетасида ёзилишича, Трамп Айовада қолади ва истеъфодаги ҳарбий хизматчилар ҳамда бошқа фахрийлар билан учрашувларда қатнашади.

"Мен катта эҳтимол билан навбатдаги теледебатда иштирок этмайман. Мен Айовада қолиб, бошқа ишлар билан шуғулланмоқчиман", деган Трамп.

Трампнинг сайловолди кампанияси менежери Кори Левандовски ҳам "унинг Fox News телеканалидаги дебатда қатнашмаслигига арзигулик сабаблар борлиги"ни тасдиқлаган.

Левандовскининг аниқлик киритишича, Трамп фақат Fox News дебатини ўтказиб юборади, кейингиларида мунтазам қатнашади.

АҚШ президентлигига номзод республикачилар теледебатларининг биринчиси Кливлендда (Огайо штати)2015 йилнинг 8 августида ўтказилган, CNN орқали трансляция қилинган дебатни 24 млн томошабин кузатганди ва бу шу каби тадбирлар тарихида энг катта аудиторияни тўплаган ҳолда рекорд ўрнатганди.

Биринчи дебат якунига кўра кўпчилик айнан Трампнинг ғолиб чиқишини айтишганди.

АҚШнинг янги президенти учун сайлов 2016 йилнинг 8 ноябрига белгиланган.