Интернетда камуфляжсиз Aston Martin DB11 суперкарининг илк суратлари чоп этилди

Интернетда янги Aston Martin DB11 суперкарининг камуфляжсиз илк суратлари пайдо бўлди. Бу суратлар Autojunk сайтида чоп этилган.

Ҳозирча бу автомобилнинг Испанияда реклама ролигини олиш вақтида олинган бир дона суратигина ҳавола этилган. Бунгача суперкарнинг фақатгина камуфляждаги суратларини кўриш мумкин эди: январда пайдо бўлган охирги шундай суратларда автомобилнинг ҳаво тўплагичлари ён ойналар ортида жойлашгани ва бош ёруғлик фараларининг шаклини кўриш мумкин эди.

DB9 модели ўрнига келувчи DB11 купеси 600 от кучига эриша оладиган, 12 цилиндрли, 5.2 литрли икки турбинали двигатель билан жиҳозланади. Бу двигатель йил бошида модель учун тасдиқланган. Бундан ташқари, машина Mercedes-Benz компаниясининг 8 цилиндрли ва 4 литрли мотори билан ҳам жиҳозланади.

Янги машина март ойида Женевадаги моторшоуда намойиш қилинади.