Twitter компаниясининг собиқ бош менежери рақобатчилар томонида иш бошлади

Twitter компаниясининг собиқ бош менежери Кевин Вайль Instagram`да худди шундай вазифани бажаришга киришди. Бу ҳақда Re/Code хабар берган.

Хабар қилинишича, Instagram Вайлни у Twitter`дан кетгани ҳақида эълон қилганидан 1 ой ўтиб, ишга ёллади. Бундан олдин Instagram`да бош менежер вазифасини Питер Дэнг бажариб келаётганди. Айни вақтда у Oculus лойиҳаси билан шуғулланишни бошлаган.

Instagram фотохизмати Facebook компаниясига тегишли ҳисобланади. Шу тариқа, Кевин Вайль Twitter`нинг тўғридан-тўғри рақиби томонига ўтди. Вайль Twitter`да 5 йил давомида фаолият кўрсатган, 1 ой олдин у ва яна 2 менежер, Алекс Реттер ва Кэти Жейкобс ишдан кетганди.