Томас Бах: 2016 йилги Олимпиадага қочқинлардан тузилган жамоа қабул қилинади

Қочқин мақомидаги спортчиларда тузилган жамоа 2016 йилги Олимпиада ўйинларида иштирок этади.

Халқаро олимпия қўмитаси президенти Томас Бах 2016 йилда Бразилияда ўтказиладиган Рио-де-Жанейро олимпиадасида қочқинга айланган спортчилар ҳам иштирок этишини маълум қилди.

"ХОҚ Рио-де-Жанейрога қочқин мақомидаги сараланган спортчиларни таклиф этади", деган Бах.

ТАСС агентлиги хабарида айтилишича, ХОҚ қочқинлар учун 2 млн долларлик жамғарма ташкил этади.

Маълумот учун, Рио олимпиадаси 2016 йилнинг 5 августидан 21 августгача бўлиб ўтади.

Рио олимпиадасида илк марта қочқин мақомидаги спортчилар иштирок этиши мумкин