WSJ: Xerox корпорацияси иккита мустақил компанияга ажралади

АҚШнинг Xerox компанияси иккита мустақил компанияга ажралишни режалаштирмоқда. Бу ҳақда The Wall Street Journal нашри хабар бермоқда.

Таъкидланишича, яратилган компаниялардан бири аппаратура ишлаб чиқаришни давом эттиради, иккинчиси эса хизмат кўрсатиш билан шуғулланади. Нашр маълумотларига кўра, Xerox’нинг ажралиши ҳақида 29 январда эълон қилинади. Шу куни компаниянинг молиявий ҳисоботи тақдим қилинади.

Нашрнинг таъкидлашича, 28 январда компаниянинг бозордаги капитализация 9,4 млрд долларни ташкил қилган.