Қирғизистон мактабларида диншунослик дастурлари ишга туширилади

Терроризм профилактикаси мақсадларида Қирғизистонда ўрта мактаблар учун диншунослик дастури ишлаб чиқилади. Бу ҳақда дин ишлар бўйича давлат комиссияси жанубий бўлими расмий вакили Бўрумуҳаммад Эсенов маълумот берди.

“Мактаб ўқувчилари дин асослари бўйича билим олишади, шу жумладан, ислом бўйича, бу пировардида ёшларнинг радикаллашувининг олдини олиб, экстремизмга қарши курашда ёрдам бериши лозим”, - унинг сўзларини келтиради Интерфакс агентлиги.