Италияда икки қочоқ мафиозо ер ости бункеридан топилди

Италиянинг Калабрия вилоятида полиция мафиянинг яшириниб юрган икки етакчисини ер ости бункерида қўлга олди. У ерда қурол-яроғ омбори ҳам жойлашган эди, деб хабар беради CNN телеканали.
Қўлга олинганлар – 47 ёшли Жузеппе Ферраро ва 37 ёшли Жузеппе Креа. Биринчиси 1998 йилдан буён қидирилади; у 17 йил муқаддам қотилликда ва уюшган жиноий тўда тузишда айбланган. Креа эса мафия структурасини яратиш айби билан 9 йилдан буён яшириниб юрган.
“Бугун бутун мамлакат аҳолиси учун буюк кун, негаки адолат тантана қилди”, - деб изоҳ берди воқеага ички ишлар вазири Анжелино Альфано.