Мадуро нефть нархлари бўйича келишув яқинлигини айтди

ОПЕК картели иштирокчилари ҳамда унининг таркибига кирмайдиган нефть етказиб берувчи давлатлар нефть нархларини барқарорлаштириш борасидаги келишувга яқин туришибди. Бу ҳақда Венесуэла президенти Николас Мадуро El National нашрига берган интервьюсида айтиб ўтди.
“Лекин яқин бўлгани билан, келишувга эришилди дегани эмас”, - тан олди Венесуэла раҳбари. Унинг фикрича, нархлардаги кичик ўсиш ҳам бозорни барқарорлаштириб, ёқилғи нархининг ўсишига хизмат қиларди.
“Биз шу йўналишни қўллаб-қувватлашимиз керак”, - деди Мадуро.