Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Ўзбекистон | 16:40 / 14.05.2016
    11592
    2 дақиқада ўқилади

    Мавсум олдидан шакар ишлаб чиқариш ҳажми оширилди

    Давлат Рақобат қўмитаси матбуот хизматининг маълум қилишича, Ўзбекистон Республикаси Давлат рақобат қўмитаси ва унинг ҳудудий органлари томонидан мавсумолди шакар маҳсулотларига бўлган талабнинг ошишини ҳисобга олган ҳолда, истеъмолчиларни етарли даражада маҳсулот билан таъминлаш, маҳсулотнинг сунъий танқислигини келтириб чиқариши мумкин бўлган ҳолатларни бартараф этиш мақсадида амалий ишлар бажарилмоқда.  

    Хусусан, шакар ишлаб чиқарувчи “Хоразм шакар” АJ QK ҳамда “Angren shakar” МЧЖ ХКларига мавсумолди шакар маҳсулотларини ошириш юзасидан тегишли кўрсатмалар берилган. 

    Кузатувларга кўра амалга оширилган ишлар давомида жорий йилнинг январь-апрель ойларида ишлаб чиқарилган шакар маҳсулоти ҳажмлари, ўсиш сурати  ўтган йилнинг шу ойларига нисбатан 118,6 фоизни ташкил этган. 

    2016 йилнинг май-август ойларида ҳар ой учун ўртача биржа савдоларига қўйиладиган маҳсулот ҳажмлари ўтган апрель ойига нисбатан 1,6 марта кўпроқ маҳсулот қўйилиши режалаштирилган. 

    Бугунги кунда Республиканинг барча ҳудудларида, шу жумладан, Тошкент шаҳрида 1 кг шакарнинг улгуржи нархи 3200 сўмни ташкил қилган. Йирик супермаркетларда истеъмолчиларга қулай бўлиши учун 1 кг, 2 кг ва 5 кг қадоқланган ҳолда шакар савдоси ташкил қилинган бўлиб, уларнинг чакана нархи 1 кг учун 3700 сўмдан ошмаслиги таъминланган.

    Жойлардаги савдо корхоналарининг шакар маҳсулотини белгиланган нархлардан юқори бўлмаган нархларда сотилиши қўмита ва унинг ҳудудий органлари томонидан доимий равишда назорат қилиб келинмоқда.