Хитойлик эркак йўловчиларга ҳужум қилди ва мактабга ўт қўйди

Пичоқ билан қуролланган хитойлик Хитой шарқидаги Гуанжао туманида (Шаньдун вилояти) 3 нафар ўткинчи йўловчига ҳужум қилган ва шу ҳудуддаги мактабни ёқиб юборган. Бу уездга қўшни бўлган Шанжао уезди (Цзянси вилояти) полицияси хабарига кўра, бу ҳужумлар туфайли 2 киши ҳалок бўлиб, 5 киши жароҳатланган.

Ҳуқуқ-тартибот органлари маълумотига кўра, 16 май куни маҳаллий вақт билан соат 14:00да бу шахс 18 ёшли қизгша пичоқ билан зарба берган ва жабрланувчи воқеа жойида жон берган.

6 соат ўтганидан кейин у шу тумандаги ўрта мактаб биносига ўт қўйган. Натижада, бино ичидагилардан бири ҳалок бўлиб, уч киши жароҳатланган.

Яна 40 дақиқа ўтиб эса, у бошқа бир мактабга борган ва иқтидорли болалар мактабидаги 2 ўқувчини жароҳатлаган. У ҳодиса жойидан қочиб кетган.

Полиция маълумотларига кўра, ҳужум қилувчи 26 ёшли Ши Цзюньфэн ҳисобланади. Гуанжао ҳукумати у жойлашган жой ҳақидаги маълумот учун 50 минг юан (7,7 минг доллар атрофида) миқдорида мукофот тайинлаган. Уни тутиб ҳукуматга топширганлик учун эса 200 минг юан миқдорида мукофот берилади (30,7 минг доллар).