Бугун, 22 май куни тонгида Хитой Халқ Республикаси таркибидаги Тибет мухтор ҳудудида 5,3 магнитудали зилзила содир бўлди. Бу ҳақда Хитой сейсмология маркази маълумотига асосланиб РИА Новости хабар қилди.
Ер силкиниши маҳаллий вақт билан соат 9:48 (Тошкент вақти билан 6:48)да Шигадзе шаҳарчаси Тингдже уездида қайд этилган. Зилзила ўчоғи 10 километр чуқурликда жойлашган.
Хитой сейсмология марказига кўра, маҳаллий вақт билан соат 10:05да ушбу уездда 5,3 магнитудали афтершок қайд этилган. Унинг ўчоғи олти километр чуқурликда жойлашган.
Қурбонлар ёки вайронгарчилик тўғрисида ҳозирча маълумот берилмаган.
