Бандерас эркаклар учун либослар коллекциясини намойиш қилди

Актёр ва продюсер Антонио Бандерас Скандинавиянинг Selected бренди билан ҳамкорликда яратган ўзининг илк либослар тўпламини намойиш қилди. Тақдимот Лондондаги Rosewood меҳмонхонасида бўлиб ўтди, деб хабар беради WWD. Унда кузги-қишки мавсумга мўлжалланган эркаклар либослари намойиш этилди. 

Коллекциядан чарм курткалар, блейзерлар, шимлар, кўйлаклар, жинс матоли кийимлар, шунингдек кашмиридан яратилган либослар ва трикотаж кардиганлар ўрин олган. Коллекция чакана савдога август ойида чиқарилади, нархлар 28 доллардан (майкалар) 485 долларгача (байкерлар курткаси) бўлган қийматни ташкил этади. 

Актёр Британиядаги Central Saint Martins коллежида дизайнерлик йўналиши бўйича таҳсил олган. Ўтган йилнинг ёз мавсумида Бандерас кийим тикиш бўйича бир ойлик курсни тамомлади. 

Антонио Бандераснинг катта экрандаги дебюти 1982 йилда амалга ошган - режиссёр Педро Альмодовар уни ўзининг "Эҳтирослар лабиринти" фильмига таклиф қилган. 1995 йилда намойиш қилинган "Умидсиз" лентаси унга бутун дунё миқёсидаги машҳурликни олиб келди.

Куннинг энг асосий ва қизиқ хабарларидан тезкор равишда хабардор бўлиш учун «Kun.uz»нинг Telegram’даги каналига аъзо бўлинг.