Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Ўзбекистон | 13:51 / 08.06.2016
    20861
    1 дақиқада ўқилади

    Урганчга мажбуран қўнган EgyptAir самолёти бортида бомба борлиги ҳақидаги хабар ёлғон бўлиб чиқди

    Ўзбекистоннинг Урганч шаҳридаги аэропортга шошилинч равишда қўнган EgyptAir самолёти бортидан портловчи қурилма ёки бошқа шубҳали буюмлар топилмади ва портлаш хавфи ҳақидаги маълумот ёлғон бўлиб чиқди. Бу ҳақда Reuters агентлиги Миср фуқаролик авиациясига асосланиб хабар тарқатди.

    "Самолёт учиб кетишга тайёрланмоқда. Портлаш хавфи ҳақидаги маълумот тасдиқланмади", дейилган хабарда.

    Мисрнинг EgypAir авиакомпаниясига тегишли А-320-220 авиалайнери Қоҳира-Пекин йўналишида (MS955 рейси) парвозни амалга ошираётганда чоршанба куни 8:00 да Урганч аэропортига фавқулодда қўнишни амалга оширди.

    Шундан сўнг, унинг йўловчилари ҳамда экипаж аъзолари хавфсиз ҳудудга кўчирилиб, бортда текширув ишлари олиб борилди.

    Бу воқеа туфайли Урганч аэропорти самолётларни қабул қилиш ва жўнатиш учун вақтинчаликка ёпиб қўйилди.