Олланд: Британиянинг ЕИдан чиқишига доир референдум якунлари

Буюк Британия халқининг Евроиттифоқдан чиқиши ҳақидаги қарори қатъий, энди гап Бирлашган Қироллик ҳукумати ЕИдан ажралиш бўйича расмий жараённи қанчалик тез бошлашида. Франция президенти Франсуа Олланд бу ҳақида Echos газетасига берган интервьюсида маълум қилди. 

"Бу уларнинг қарори, демак у амалга ошиши керак. Европа ва британияликлар муносиб бўлган ҳурмат ажралиш жараёни бошланишини оқлайди -  ҳар қандай бошқа реакция - референдум ноқулай натижа берган тақдирда тезлик билан қайтадан овоз беришни ташкиллаштириш зарурдек фикр уйғотади", - дея таъкидлади Франция президенти. 

Унинг фикрича, ҳозирги вазиятда Евроиттифоққа биринчи навбатда "устувор вазифаларга диққатини қаратиш учун хавфсизлик ва барқарорлик зарур". 

"Бирлашган Қироллик билан фақат Лиссабон шартномасининг 50-моддасида кўзда тутилган ажралиш жараёни доирасида музокаралар олиб борилади ҳамда Буюк Британия товарлар, хизматлар, капиталлар ва одамларнинг эркин ҳаракатланиши кафолатласагина,  ягона бозорга кириши мумкин, биз бундан воз кеча олмаймиз", - деди Олланд. 

Франция президентининг фикрича, Буюк Британиядаги референдумда "ёлғон Британия халқидан устун келди".