Ассанж АҚШ прокуратурасига WikiLeaks иши бўйича мурожаат йўлламоқчи

WikiLeaks асосчиси Жулиан Ассанж АҚШ прокуратурасига Ҳиллари Клинтоннинг электрон ёзишмалари сабаб тўхтатиб қўйилган ишни давом эттиришни сўраб, ариза билан чиқмоқчи.

- Эртага бизнинг юристларимиз бош прокурор Лоретте Линчга мактуб йўллашади ва улар WikiLeaks’га айблов сифатида қўйилган АҚШ миллий хавфсизлиги ва жиноий ишлар нега олти йилдан бери давом этаётгани ҳақида суриштиришади. Адлия вазирлиги Ҳиллари Клинтон билан боғлиқ масалани бир йилга бормай ҳал этишди, аммо бизнинг ишимиз ҳали ҳам чўзилмоқда, - деди Ассанж CNN телеканалига берган интервьюсида.

Ассанжнинг таъкидлашича, WikiLeaks эълон қилаётган материаллар АҚШ миллий хавфсизлигини хавф остига қўймаган.