Кариб ҳавзаси ҳудудида ёна бошлаган паромнинг барча йўловчилари хавфсиз жойга кўчирилди. Бу ҳақда АҚШ соҳил бўйи хизмати твиттерида маълум қилинган.
"Барча йўловчилар эвакуация қилинди. Қутқарувчилар экипажнинг 26 нафар аъзосини хавфсиз жойга кўчириш ишларини бошлаган", дейилган хабарда.
Қайд этилишича, йўловчиларнинг баъзилари қирғоққа замбилда олиб чиқилган ва қирғоқ ёнидаги мобил шифохонага етказилган.
Бундан олдинроқ, Пуэрто-Рико қирғоқлари яқинида бортида 512 киши бўлган паромда ёнғин бошлангани ҳақида хабар берилганди.
