Қўшимча функционаллар
-
Тунги кўриниш
Ҳиндистонлик курашчи 4 йилга дисквалификация қилинди ва Рио-2016да иштирок этмайдиган бўлди
Ҳиндистонлик эркин курашчи Нарсинҳ Ядав антидопинг қоидаларини бузгани учун 4 йилга дисквалификация қилинди ва Рио-де-Жанейродаги Олимпиада ўйинларида иштирок этмайдиган бўлди. Бу ҳақда Спорт арбитраж суди (CAS) расмий сайтида маълум қилинган.
25 июнь ва 5 июль кунларида ўтказилган допинг-тест натижаларига кўра, спортчининг қонида тақиқланган моддалар топилган. Ҳиндистон антидопинг комиссияси бу моддалар Ядавнинг қонига унинг айби билан тушмагани ҳақида қарор чиқарганди.
Бутунжаҳон аксилдопинг агентлиги (WADA) CAS га шикоят билдирган ва бу мурожаат қондирилиб, Ядав 4 йил муддатга дисквалификация қилинган.
Бундан олдинроқ 74 кг вазн тоифасида иштирок этувчи ушбу 26 ёшли спортчи у истеъмол қиладиган таом ва сув алмаштириб қўйилгани ҳақида маълум қилганди. Ядав 2015 йилги жаҳон чемпионатида бронза медалини қўлга киритганди.
Мавзуга оид
22:38 / 07.03.2020
«Спортчи бироз эҳтиётсизлик қилган». Допинг туфайли Олимпиададан маҳрум қилинган Ҳасанбой Раҳимов борасида баёнот берилди
20:10 / 03.02.2020
Эркин кураш бўйича уч карра жаҳон чемпиони Махов организмида допинг аниқланди
15:12 / 13.12.2018
Австрия прокуратураси Россия биатлон терма жамоаси аъзоларига нисбатан суриштирув ишларини олиб бормоқда
09:10 / 29.08.2018