Россия паралимпиячиларига тегишли лицензиялар АҚШ паралимпиячиларига берилди

АҚШ Паралимпия терма жамоасининг 22 нафар паралимпиячиси Россия терма жамоаси Рио-де-Жанейро Паралимпиадасидан четлатилгандан кейин россияликларга тегишли 22 квотани олди. Энди АҚШ терма жамоаси Риога 289 паралимпиячини юбориши мумкин.

Россия Паралимпия терма жамоаси Риода 267 спортчи билан иштирок этиши керак эди. Энди уларнинг квоталари бошқа давлатлар ўртасида тақсимланади. 

18 августда Бутунроссия жамоатчилик фикрини ўрганиш маркази чоп этган ижтимоий тадқиқот натижаларида 63 фоиз россияликлар ўз ҳамюртларининг Паралимпиададан четлатилишларини "сиёсий буюртма" деб ҳисоблашлари маълум бўлган.