Филиппин президенти туғилган шаҳарда кучли портлаш рўй берди

Филиппинда рўй берган портлаш оқибатида 9 киши ҳалок бўлиб, 60 киши жароҳатланган ҳолда шифохонага ётқизилган. Бу ҳақда Синьхуа агентлиги полициядаги манбасига асосланган ҳолда хабар тарқатган.

Хабар қилинишича, жума куни кечқурун Филиппин президенти Родриго Дутертенинг она шаҳри бўлмиш Даваода кучли портлаш содир бўлган. Бу ҳодиса католик университет яқинидаги бозор ҳудудида рўй берган. Портлаш сабаблари ўрганилмоқда.