Қозоғистоннинг Қизилўрда вилояти ҳудудида Ми-8 вертолёти фалокатга учради. Бу ҳақда "КазТрансОйл" компанияси матбуот хизмати маълум қилган.
"Евро-Азия Эйр" авиакомпаниясига тегишли вертолётда "КазТрансОйл" компаниясининг 19 нафар ходими ва экипажнинг 4 нафар аъзоси бўлган.
"Ҳодиса оқибатида вертолётдаги 4 нафар ишчи турли даражада жароҳат олган. Уларга биринчи тиббий ёрдам кўрсатилган ва шифохонага олиб кетилган. Қурбонлар йўқ. Ҳодиса сабаблари ва бошқа тафсилотлар ўрганилмоқда", дейилган хабарда.
