Олий муфтий патриархнинг абортни тақиқлаш тўғрисидаги талабини қўллаб-қувватлади

Россия Олий муфтийси Талгат Тожиддин мамлакатда абортни бутунлай тақиқлаш тўғрисидаги мурожаатини қўллаб-қувватлашини айтиб ўтди. Бу   мурожаат Москва ва бутун Россия патриархи Кирилл томонидан имзоланган эди. Бу ҳақида  РИА «Новости» хабар беради.

«Биз ҳам шу фикрдамиз. Бу болаларни ўлдиришдир, мен бу ҳақида ахир Қурбон байрамидаги хутбада такидлаб ўтган эдим», — деди у.

Муфтий шунингдек, ўзи ҳам шу каби мурожаатларни имзолашга тайёр эканлигини ва бу "тўғри қарор" бўлишини айтиб ўтди.  

Унинг таъкидлашича, Ислом динига кўра, агарда она саломатлиги ва ҳаётига  таҳдид солувчи тиббиёт кўрсаткичлари аниқлангандагина  ҳомиладорликни тўхтатиш мумкин.