Фото: Википедия
2016 йил бошидан Ўрта Ер денгизида 3740 муҳожир чўкиб кетган ёки бедарак йўқолган. Бу ҳақда БМТнинг қочқинлар ишлари бўйича олий комиссари ҳисоботида маълум қилинди.
Ҳужжатда кўрсатилишича, бу миқдор бундай статистика олиб борилаётган бутун вақтдаги энг катта кўрсаткичдир. Қочқинлар асосан Сурия, Афғонистон, Ироқ, Нигерия ва Эритреядан келишмоқда.
2016 йилда Яқин шарқлик муҳожирлар Европа Иттифоқига Греция ва Болқон давлатлари орқали ўтган Болқон йўналиши тўсилгач, муҳожирларнинг асосий қисми Италия орқали кела бошлаган.
