Москвада автобус ёниб кетди

Фото: "Москва" агентлиги

Москвада йўловчи автобуси ёниб кетди. Воқеа Муса Жалил кўчасида юз берган, деб маълум қилди воқеа гувоҳи "Москва" агентлигига.

Гувоҳнинг айтишича, йўналиш автобуси "Шипиловская" метро станцияси яқинида ёниб кетган. Фавқулодда вазиятлар вазирлиги ходимлари ва ўт ўчирувчилар тезкорлик билан оловни ўчиришган. Воқеа оқибатида ҳеч ким жабрланмаган.

"Мосгортранс" матбуот хизматида автобуснинг хизмат кўрсатилмайдиган қисмида электр сим ёниб кетгани маълум қилинган. Ҳайдовчи зудлик билан йўловчиларни автобусдан туширган ва салонда жойлашган ўт ўчириш тизимини ҳаракатга келтирган.