Путин АҚШдаги сайлов ҳақида: Америка – қандайдир банан мамлакати эмас, буюк давлат

Фото: RIA

Россия президенти Владимир Путин Россия АҚШдаги сайловлар боришига таъсир қила олмаслигини айтди ва АҚШ "банан мамлакати" эмас, балки буюк давлат" деб таъкидлаб ўтди. Бу ҳақда РИА “Новости” ахборот агентлиги хабар бермоқда.

"Наҳотки кимдир Россия америка халқининг танловига таъсир қила олади, деб жиддий ўйласа? Америка қандайдир бир банан мамлакатими? Америка – буюк давлат", деб айтди Путин "Валдай" клуби ялпи мажлисида.

Путин сайловлар давомида суҳбат Россиянинг сайловларга мифик аралашуви ҳақида эмас, АҚШдаги муҳим сиёсий муаммолар ҳақида кетиши кераклигини таъкидлаб ўтди.

"Уларга одамларнинг эътиборини Россия хакерлари, айғоқчилари, таъсир қилиш агентлари ва шу кабиларга қаратиш осонроқ", деб қўшимча қилди Путин.