Арнольд Шварценеггер ва Жеки Чан Россиянинг "Вий-2" фильмида суратга тушишмоқда

Ҳолливуд юлдузлари Арнольд Шварценеггер ва Жеки Чан россиялик Олег Степченконинг "Вий" фильми сиквелида суратга тушишади. Фильм номи - "Хитойга саёҳат: Темир ниқоб сири". Бу ҳақида фильм продюсери Глеб Фетисовнинг матбуот хизмати маълумотига асосланиб, РИА "Новости" хабар берди. 

"Шварценеггер иштирокидаги съёмкалар Хитойда бўлиб ўтмоқда. У билан бирга "Вий-2" фильмида яна бир Ҳолливуд юлдузи Жеки Чан ҳам суратга тушмоқда", - дейилади хабарда. 

Картина сюжетига кўра, инглиз сайёҳи Жонатан Грин Россия императори Пётр I'дан Узоқ Шарқ хариталарини тайёрлашга буюртма олади, ушбу вазифани бажариш жараёнида у Хитойга келиб қолади. 

Бундан аввал сиквел яратувчилари мазкур фильмнинг хитой миллий картинаси бўлиши ҳақида айтишганди. 

Россия ва Хитой киноижодкорлари ҳамкорлигидаги "Вий-2: Хитойга саёҳат" фильми премьераси 2017 йилнинг бошида бўлиб ўтиши кутилмоқда.