Эркаклар паришонхотирликка кўпроқ мойил бўлишлари аниқланди

Аёллар ва эркаклар ўртасида генетик жиҳатдан то ҳужайра даражасигача чуқур тафовутлар мавжуд. Россиянинг Экспериментал тиббиёт институти ва С.М.Киров номли Ҳарбий-тиббий академия олимлари бу борада изланиш олиб боришди. Journal of Neuroscience Research шу ҳақида маълумот берди. 

Мутахассислар галанин оқсилини кодловчи гендаги мутацияларнинг қандай қилиб эркаклардаги паришонхотирликка таъсир кўрсатиши мумкинлигини ўрганиб чиқишди. Олимлар бундан аввал олинган натижаларга таянишди - унга кўра, паришонхотирликдан вафот этган кишиларнинг мия намуналарида мазкур оқсилнинг юқори концентрацияси мавжуд бўлган. Тадқиқот давомида улар соғлом ва хаста кишилар ўртасида генларнинг нисбатан фаол ва нофаол вариантларини қиёслашган. 

Тадқиқотларда паришонхотирлик ташхиси қўйилган 111 нафар бемор (шу жумладан 69 аёл) иштирок этди. Назорат гуруҳида аутоиммун касалликка чалинмаган 115 киши (50 нафар аёл) бўлган. Мазкур гуруҳлардаги кишиларнинг ўртача ёши статик жиҳатдан фарқ қилмаган. 

Дастлаб олимлар соғлом ва хаста иштирокчилар орасида ҳеч қандай фарқни кўришмаган. Бироқ паришонхотирликка йўлиқмаган эркакларда геннинг нисбатан нофаол варианти частотаси соғлом аёлларга қараганда икки баробар паст бўлган. Бу жиҳат эркакларнинг аёлларга нисбатан паришонхотирликка кўпроқ мойил эканлигини кўрсатган, бироқ шу билан бирга касаллик ривожини секинлаштирган. 

Олимларнинг сўзларига кўра, инсоннинг жинси унинг асаб тизимидаги тафовутларни белгилаб бериши кўрсатилган. Тадқиқот натижалари паришонхотирликни даволашда ҳар бир инсонга алоҳида ёндашиш стратегиясини ривожлантиришга ёрдам беради.