Фото: Reuters
8 ноябрь куни АҚШ президенти сайлови бўлиб ўтмоқда. Америкаликларнинг ва бутун дунёнинг нигоҳи икки номзод — Ҳиллари Клинтон ва Дональд Трампга қаратилган. Kun.uz сайти ҳам номзодлар борасида ўз ўқувчиларининг фикрини билиш мақсадида сайт ҳамда Telegram'даги канал орқали сўровнома ўтказди. Унда 1800 нафардан ортиқ ўқувчи иштирок этди.
Овоз берганларнинг 55 фоизи сайловда Дональд Трампни ғолиб бўлади деб тахмин қилган бўлса, қолган 45 фоиз ўқувчи бу борада Ҳиллари Клинтон ғалаба қозонади деган фикрни илгари суришган.
