«Симпсонлар» 2000 йилдаёқ Трампнинг президентга айланишини башорат қилганди

Фото: Youtube/H.J. Simpson

«Симпсонлар» деб номланган анимация сериалида республикачи-миллиардер Дональд Трампнинг президент бўлишини 2000 йилдаёқ айтишган. Бу ҳақда Deadline хабар бермоқда.

Гап машҳур телешоунинг 11-мавсумидаги «Барт келажакда» деб номланган қисми ҳақида бормоқда. Бу эпизодда Барт Симпсон 30 йилдан кейин нима бўлишини кўра бошлайди. Унинг синглиси Лиза АҚШ тарихида илк аёл президент бўлади.

Сюжет бўйича давлат ҳалокат ёқасига келиб қолади ва ана шунда Трамп пайдо бўлади. Сериалнинг мана шу қисмини YouTube сайтида тамоша қилиш мумкин.