Трамп иккинчи марта Янги Зеландия бош вазирига қўнғироқ қилди

АҚШнинг янги сайланган президенти Дональд Трамп Янги Зеландия бош вазири Жон Кига иккинчи бор қўнғироқ қилиб, у билан боғланишга уринди. Бу ҳақда Associated Press хабар бермоқда.

Трамп у билан суҳбатда Янги Зеландияда икки кишининг ҳалок бўлишига сабаб бўлган зилзила юзасидан ҳамдардлик билдирди. Давлат раҳбарлари, шунингдек, ҳамкорлик, иқтисодиёт ва савдо масалалари бўйича ҳам фикр алмашишди.
Аввалроқ Трамп Янги Зеландия бош вазирига қўнғироқ қилиб, туша олмаган эди. Маълумотларга кўра, Ки бу пайтда зилзила оқибатларини бартараф этиш масаласи бўйича ишлаётган бўлган.