Фото: EPA
Венгрия пойтахти Будапешт шаҳридаги метрода иккита поезд тўқнашиб кетди ва бунинг оқибатида 10 киши жароҳатланди.
Бу ҳақда Будапешт фавқулодда вазиятлар бошқармаси маълум қилган.
Маълум қилинишича, тоннелда олдинда кетаётган поезднинг охирги вагонига ортдан келаётган поезд келиб урилган. Тўққиз киши шифохонага ётқизилган, маълумотларга кўра, уларнинг ҳаёти хавф остида эмас. Бир кишига воқеа жойида тиббий ёрдам кўрсатилган.
Махсус хизмат воқеага нима сабаб бўлганини тушунтиришга ҳаракат қилган. Метронинг “қизил йўлаги”даги поездлар қатнови тўхтатилган.
