Nokia мобил телефонлар бозорига Nokia 150 ва Nokia 150 Dual SIM тугмали аппаратларини чиқариш билан қайтди. Бироқ Microsoft Mobile бизнесининг бир қисмини жорий йилда харид қилган ва Nokia брендига бўлган ҳуқуқни қўлга киритган HMD Global компанияси бу билан тўхташ нияти йўқ.
Компания янги Nokia C1 қурилмасини тақдим этмоқчи. Ушбу модель Nokia P’га ўхшаш бўлиб, қатор ўзига хос жиҳатлари билан ҳам ажралиб туради. Nokia C1 Snapdragon 835 процессорига эга бўлиб, хотираси 4 Гбайтга тенг. Унда мобил фотосурат ҳаваскорлари учун 16- ва 12-Мп сенсорли иккита камера мавжуд, шунингдек 5-Мп фронтал камерага ҳам эга. Ускуна 3210 мА•с аккумулятор билан жиҳозланади. Бозорга хотира ҳажми 32, 64 ва 128 Гбайт бўлган қурилма турлари чиқарилади. У Android тизими бошқарувида ишлайди.
Янгилик 2017 йилда Барселонада тақдим этилиши режалаштирилган. Шунингдек, бу ерда Nokia P билан ҳам танишиш имкони мавжуд.
