Тошкентда ўз онасини доимий равишда калтаклаган эркак 4,5 йилга қамалди

Тошкент шаҳрининг Учтепа туман суди ўз онасини доимий равишда калтаклаб келган Олег Д.ни тўрт ярим йилга озодликдан маҳрум этди.

“На посту” газетасининг билдиришича, у ўз онасини квартираларини сотиш ва шаҳар ташқарисидан бошқа уй сотиб олишга рози бўлмагани учун калтаклаган. 

Маълум қилинишича, етмиш ёшли аёлнинг аввал уч маротаба судланиб чиққан бу ўғли спиртли ичимликларга муккасидан кетган ҳамда ичиб олганда онасини доимий равишда урган. 

Жиноий иш материалларини ўрганиб чиққан суд Олег Д.ни тўрт ярим йилга озодликдан маҳрум этиш ҳақида қарор чиқарди.